1 Geographie na batu

Majorité ya batu wanaishi mu ma villes

Batu milioni tanu

Batu bamu Danemark kama ni bengi, banaweza kuwa milioni tano na elfu mia. 85% ya population banaikala mu ma villes (mujini). Karibu ya batu 1.600.000 banaikala mu capital, Copenhague na mu ma villes zingine zingine za karibu ya Copenhague. Århus ni 2ème grande ville ya Danemark na kuna ikaa à peu près 300.000 personnes. Banasemaka Luga ya kidanois mu inji yote. Karibu ya 270.000 personnes, 5% ya population danoise iko na origine étrangère. Ba étrangers banatokeya surtout mu mainji za ku Europe du nord (kaskazini), mu europe centrale, mu Amerique du nord (Marekani ya juu), mu moyen proche orient, ba arabes, mu Asie du sud na mu Afrique.

Bisanga mingi

Danemark iko na territoire kubwa Jylland (Yulande) na ma 406 pétites îles. Seeland na Fionie njoo ma îles kubwa kabisa, na zingene îles zote ziko kidogo dogo sana.

Ville ya mukubwa, capitale, inaitwa Copenhague, na iko mu Seeland. Ville kubwa ya pili inaitwa Arhus, ya tatu Aalborg, ya ine Esbjerg. Ville ya Odense njo vile ya mukubwa mu Fionie. Karibu fasi zote mu Danemark ziko pembeni ya mai. Danemark iko na à peu près 7.300km yenye iko pembeni ya mayi. Danemark haina ma bilima. Kilima kikubwa mu Danemark kiko na 173 mètres ya altitude. Nafasi za mingi mu Danemark zinawezwa kulimwa ako kama mashamba.

Danemark iko na mabarabara nyingi na ma njia za mingi zama trains. Ma bus na ma trains zinasaidia batu sana kama des moyens de transport publique mu inchi yote. Ma mashua zinasaidia sane kwa kuvusha watu katika visanga mbali mbali mu inchi na kwa kusafiri mu inchi na kuenda nafasi mbalimbali. Kuko bilalo byenye kuunganisha mijini kama Fionie na Seeland, na kuko kilalo kyenye kinalunganisha Copenhague na Malmø mu Suède.

Inchi katika ya inchi za mu region nordique

Groenland na les Îles Féroé ni parties sous le règne du Danemark, lakini ziko na governements zao. Njo kusema aba batu ni ba Danois, na biko na droits de vôte aux élections parlementaires, à part ma droits za ku voter mu ma élections parlémentaires zabo propres.

Danemark ni partie ya ma pays nordiques. Ma pays nordiques ziko tano: Danemark, Suède, Norvège, Finlande na Islande, kuongeza na Groenland yenye inajitawala, les Îles Féroé na Åland. Danemark iko membres ya Union Europeenne (the EU*).

Inchi ya ma kinga

Danemark ni moya ya ma inji kubwa ya ba cyclistes mu Dunia. Mu ville ku ma heures de point utaweza kuona ba cyclistes bengi saana, bazazi benye kubeba batoto ku vélos, batu benye kuenda na kutoka kazini, bazazi benye kuchukuwa watoto wao ku ma jardins na kipusi.